आजरा साखर कारखाना कार्यस्थळावर स्व. वसंतराव देसाई यांच्या पुण्यतिथी निमित्य अभिवादन

आजरा, विकास न्यूज नेटवर्क :
आजरा साखर कारखान्याचे संस्थापक माजी आमदार स्व. वसंतराव देसाई यांना त्यांच्या 20 व्या पुण्यतिथी दिनी कारखाना कार्यस्थळावरील त्यांचे पुर्णाकृती पुतळयाचे कारखान्याचे व्हा. चेअरमन मा.श्री. सुभाष देसाई यांचे हस्ते पुजन करून कारखाना परिवारा तर्फे अभिवादन करणेत आले.

सन 1980 व 1990 च्या दशकात स्व. वसंतराव देसाई यांनी आपल्या निस्वार्थी सहका-यांसमवेत अथक प्रयत्न करून आजरा साखर कारखाना पुर्णत्वास आणला. आजरा तालुक्यातील गोरगरीब शेतकरी व सुशिक्षित बेरोजगार तसेच तोडणी-वहातुक कंत्राटदार मजुर यांच्यासाठी तसेच तालुक्याच्या विकासासाठी आजरा साखर कारखाना वरदान ठरला आहे. स्व. वसंतराव देसाई यांचे या कारखान्याच्या उभारणीतील योगदान तालुक्यातील जनतेच्या कायम स्मरणात रहावे यासाठी कारखाना व्यवस्थापणाने कारखाना कार्यस्थळावर त्यांचा पुर्णकृती पुतळा उभारला असून, कारखान्यास वसंतराव देसाई आजरा साखर कारखाना असे नांव दिलेले आहे.

शुक्रवारी त्यांच्या 20 व्या पुण्यस्मरण दिनानिमित्य सकाळ पासून कारखान्याचे संचालक एम. के. देसाई, दिपक देसाई, रणजित देसाई, राजेश जोशिलकर, काशिनाथ तेली, शिवाजी नांदवडेकर, राजेंद्र मुरूकटे, गोविंद पाटील, हरी कांबळे व कार्यकारी संचालक संभाजी सावंत, कारखान्याचे खातेप्रमुख, उपखातेप्रमुख तसेच कामगार संघटनेचे पदाधिकारी आणि कर्मचारी यांनी पुष्पहार अर्पण करून अभिवादन केले.
========================