वसंतराव देसाई आजरा साखर कारखान्याची 30 नोव्हेंबर अखेरची ऊस बिले जमा

आजरा, विकास न्यूज नेटवर्क :
वसंतराव देसाई आजरा शेतकरी सहकारी साखर कारखान्याचे चालु सन 2025-26 या हंगामात आजअखेर 49 दिवसात 1 लाख 55 हजार मे.टन ऊसाचे गाळप झाले आहे. कारखान्याकडे दि. 16 नोव्हेंबर 2025 ते 30 नोव्हेंबर 2025 अखेर गाळप झालेल्या 49 हजार 525 मे.टन ऊसाच्या बिलाची प्रतिटन 3 हजार 400 रुपये प्रमाणे विनाकपात होणारी रक्कम 16 कोटी 83 लाख रुपये ऊस पुरवठादार शेतक-यांच्या सेव्हींग खात्यावर जमा करण्यात आली असलेबाबतची माहिती कारखान्याचे चेअरमन श्री. मुकुंदराव देसाई यांनी दिली.

हंगाम 2025-26 मध्ये कारखाना व्यवस्थापनाने ठेवलेल्या उददीष्टा प्रमाणे गाळप सुरू असुन सद्या येत असलेल्या ऊसाचे गाळप करून त्यापासुन जास्तीत जास्त साखर उत्पादन मिळविणेचा प्रयत्न करीत आहोत. कारखान्याकडे उपलब्ध असलेल्या बीड व स्थानिक तोडणी-वाहतुक यंत्रणेस प्राधान्याने कारखान्याकडे करार झालेल्या ऊसाची उचल करणेचे काम सुरू आहे. कोल्हापूर जिल्हा मध्य. सह. बँकेचे अध्यक्ष, वैद्यकिय शिक्षणमंत्री ना. हसन मुश्रीफ यांचे मार्गदर्शनाखाली जिल्हा बँकेच्या सहकार्याने कारखान्याकडे गाळपास येणा-या संपूर्ण ऊसाची बिले व तोडणी वाहतुकीची बिले नियमितपणे आदा केली जाणार आहेत. कार्यक्षेत्रातील संपुर्ण ऊस प्राधान्याने गाळपासाठी आणणेचे नियोजन व्यवस्थापनाने केलेले आहे. ज्या भागात यंत्रणा कमी आहे अशा ठिकाणी यंत्रणा उपलब्ध करून शेतक-यांचा ऊस कारखान्याकडे गळीतास आणन्याचे नियोजन केलेले आहे. त्यामुळे कार्यक्षेत्रातील ऊस उत्पादक शेतक-यांनी आपला ऊस अन्य कारखान्यांना न घालता थोडे थांबुन व्यवस्थापनास सहकार्य करावे व आपला संपुर्ण ऊस आपल्याच कारखान्यास गाळपास पाठवावा असे आवाहन कारखान्याचे चेअरमन श्री. मुकुंदराव देसाई यांनी केले.

यावेळी कारखान्याचे व्हा. चेअरमन श्री. सुभाष देसाई कारखान्याचे संचालक श्री. वसंतराव धुरे श्री. विष्णु केसरकर, श्री. उदयसिंह पोवार, जिल्हा बैंक प्रतिनिधी श्री. सुधिर देसाई, संचालक श्री. मधुकर देसाई, श्री. मारूती घोरपडे, श्री. अनिल फडके, श्री. दिपक देसाई, श्री.रणजित देसाई, श्री. संभाजी पाटील (हात्तीवडे), श्री.शिवाजी नांदवडेकर, श्री. राजेंद्र मुरुकटे, श्री.राजेश जोशीलकर, श्री.गोविंद पाटील, संचालिका सौ. रचना होलम, सौ. मनिषा देसाई, संचालक श्री. काशिनाथ तेली, श्री.संभाजी पाटील, श्री. अशोक तर्डेकर, श्री.हरी कांबळे तसेच कारखान्याचे तज्ञ संचालक श्री. नामदेव नार्वेकर, श्री. रशिद पठाण, शासन नियुक्त प्रतिनिधी श्री. दिगंबर देसाई आणि कार्यकारी संचालक श्री. एस. के. सावंत उपस्थित होते.
===========================