आजरा तालुका दुध उत्पादनात आघाडीवर येण्यासाठी परराज्यातील जातीवंत म्हैस खरेदी करण्यासाठी कोल्हापूर जिल्हा सहकरी बँकेत कर्ज योजनाच्या माध्यमातून दुध संस्था व दुध उत्पादक शेतकरी, बेरोजगार युवकाना स्थैर्य देऊया असे मत जिल्हा बँक संचालक सुधीर देसाई यांनी व्यक्त केले. ते सिरसंगी (ता. आजरा) येथील हनुमान दुध संस्थेत आयोजित दुध उत्पादकांच्या मेळाव्यात बोलत होते.
आजरा साखर कारखाना उपाध्यक्ष सुभाष देसाई यांनी स्वागत केले. प्रास्ताविकात दुध संकलन अधिकारी एस. एम. कोले यानी दुध धंदा यशस्वी करण्यासाठी जातिवंत म्हैस खरेदीसाठी पन्नास हजार अनुदान बँकेचे दहा हजार अनूदान मिळत असून याचा लाभ शेतकऱ्यांना मिळावा यासाठी मेळावा आयोजित केलेचे सांगितले. बँकेचे विभागीय अधिकारी सुनिल दिवटे यांनी म्हैस कर्ज, पिक कर्जासह विविध योजनाची माहीती दिली. यावेळी तालुका संघाचे संचालक मधूकर यलगार, साखर कारखाना संचालक शिवाजी नांदवडेकर, विजय देसाई, बँक निरीक्षक आर. आर. देसाई, विजय सरदेसाई, गोकूळचे सुपरवायजर डी. जी. होलम, व्हि. बी. चव्हाण, बि. टी. धुमाळ, व्हि. व्हि. केसरकर याच्यासह दुध व विकास सेवा संस्था सचिव व पदाधिकारी उपस्थित होते. कारखाना संचालक दिगंबर देसाई यानी शासनाने प्रामाणिक कर्जदार प्रमाणे थकबाकीदाराना कर्जमाफी करावी असे मत व्यक्त करून सर्व उपस्थिताचे आभार मानले.
==========================
No comments:
Post a Comment