सध्या चंदगड-हलकर्णी रस्त्याचे काम सुरू आहे. या रस्त्याच्या कामाबाबत नागरिकांमध्ये प्रचंड असंतोष आहे. त्यामुळे रस्ते कामाचे ठेकेदार व लोकप्रतिनिधी यांची संयुक्त बैठक बोलावण्याची मागणी आजरा तालुका शिवसेना शिंदे गट यांच्यावतीने करण्यात आली आहे. याबाबतचे निवेदन आजऱ्याचे तहसीलदार समीर माने यांना देण्यात आले आहे.
दिलेल्या निवेदनात म्हटले आहे, सध्या चंदगड-हलकर्णी रस्त्याचे काम सुरू आहे. या रस्त्याच्या कामाबाबत अनेक लोकप्रतिनिधींची शिवसेना शिंदे गट आजरा तालुका यांच्याकडे तक्रारी येत आहेत. कामाचा दर्जा तसेच स्थानिक पातळीवर ग्रामपंचायतच्या मालमत्तेचे होणारे नुकसान याबाबत रस्त्याचे ठेकेदार उदासीन भूमिका घेत आहेत. संबंधित ठेकेदारा संदर्भात ग्रामपंचायतीचे पदाधिकारी व स्थानिक नागरिक यांच्यामध्ये असंतोषाचे वातावरण आहे. या कामासंदर्भात आजतागायत अनेक तक्रारी झालेले आहेत. त्यामुळे संबंधित ठेकेदार आणि लोकप्रतिनिधी यांची बैठक घेण्यात यावी. या बैठकीच्या माध्यमातून समाधानकारक तोडगा काढण्यात यावा अन्यथा ठेकेदाराला पुढील काम करू देणार नसल्याचा इशारा आजरा तालुका शिवसेना शिंदे गटाच्या वतीने निवेदनातून देण्यात आला आहे. निवेदनावर उपजिल्हाप्रमुख राजेंद्र सावंत, तालुकाप्रमुख संजय पाटील, शहरप्रमुख विजय थोरवत, इंद्रजीत देसाई, रणजीतकुमार सरदेसाई, दयानंद निऊंगरे, संतोष भाटले, शशिकांत सावंत, अनिल डोंगरे, महेश कामत विनोद कांबळे यांच्यासह नागरिकांच्या सह्या आहेत.
==============================
No comments:
Post a Comment