ज्यावेळी आजरा शहरातील नागरिकांपुढे समस्यांचा डोंगर होता, त्यावेळी कोणतीही सत्ता हाती नसताना, कोणतेही पाठबळ नसताना नागरिकांच्या समस्या सोडवण्यासाठी आजरा शहरात अन्याय निवारण समिती अग्रभागी होती. त्यामुळे आता अन्याय निवारण समितीच्या हाती सत्ता देण्यासाठी आजरा शहरातील नागरिक अग्रभागी असतील असा विश्वास देत आजरा नगरपंचायतीच्या सार्वत्रिक निवडणुकीत अन्याय निवारण समिती आघाडीच्या उमेदवारांच्या प्रचाराला आजरेकर नागरिक उत्स्फूर्त प्रतिसाद देत आहेत.
आजरा नगरपंचायत सार्वत्रिक निवडणुकीसाठी प्रचाराच्या अंतिम टप्प्यात चांगलाच रंग भरला आहे. यावेळी सर्वसामान्यांच्या हिताचे काम केलेल्या अन्याय निवारण समिती आघाडीला मोठे पाठबळ मिळत आहे. अन्याय निवारण समितीच्या कामाची पोचपावती या निवडणुकीच्या माध्यमातून मिळणार आहे. या आघाडीचे नगराध्यक्ष पदाचे उमेदवार डॉ. श्रद्धानंद ठाकूर, नगरसेवक पदाचे उमेदवार संजय इंगळे, जावेद पठाण, डॉ. स्मिता कुंभार, दत्तराज उर्फ गौरव देशपांडे, रवींद्र पारपोलकर, परशराम बामणे, श्रुती पाटील, आरती मनगुतकर यांच्यासह इतर प्रभागातूनही नगराध्यक्ष पदाच्या पदाचे उमेदवार डॉ. ठाकूर यांना मोठा प्रतिसाद मिळत आहे. त्यामुळे या आघाडीचा विजय निश्चित असल्याचा विश्वास सुधीर मुंज, अरुण देसाई, दयानंद भुसारी, सुधीर कुंभार, नाथ देसाई, पांडुरंग सावरकर, हर्षद परुळेकर, जोतिबा आजगेकर यांनी व्यक्त केला आहे.
No comments:
Post a Comment