आजरा, विकास न्यूज नेटवर्क :
आजरा नगरपंचायतीच्या सार्वत्रिक निवडणुकीच्या प्रचाराच्या अंतिम टप्प्यात रॅली व प्रचार सभांनी आजरा शहर दणाणून गेले आहे. प्रचारात आघाडीवर असलेल्या ताराराणी आघाडीच्या वतीने नगराध्यक्ष व 17 नगरसेवक पदाच्या उमेदवारांच्या प्रचारार्थ रविवारी रॅली व प्रचार सभेचे आयोजन करण्यात आले आहे.
रविवार (दि. 30) रोजी ताराराणी आघाडीच्या सर्व उमेदवारांच्या समर्थनार्थ सकाळी ठीक नऊ वाजता कोल्हापूर जिल्ह्याचे पालकमंत्री ना. प्रकाश आबिटकर, खासदार धनंजय महाडिक व वैद्यकीय शिक्षण मंत्री ना. हसन मुश्रीफ यांच्या प्रमुख उपस्थितीमध्ये भव्य रॅलीचे आयोजन करण्यात आले आहे. त्याचबरोबर ठीक अकरा वाजता बाजार मैदान ( शिवतीर्थाच्या मागील बाजूस) या ठिकाणी भव्य प्रचार सभेचे आयोजन करण्यात आलेले आहे. तरी ताराराणी आघाडीच्या सर्व कार्यकर्त्यांनी व मतदार बंधू भगिनींनी वेळेवर उपस्थित रहावे, असे आवाहन करण्यात आले आहे.
No comments:
Post a Comment