सध्या आजरा तालुक्यात पावसाची संततधार सुरु आहे. यामुळे ओढे-नाले तुडुंब भरून वाहत आहेत. पावसाच्या वाढत्या प्रमाणामुळे तालुक्यातील हिरण्यकेशी नदी दुथडी भरून वाहत आहे. तसेच नदीच्या पाणीपातळीत देखील वाढ झाली आहे. हिरण्यकेशी नदीवरील साळगाव (ता. आजरा) बंधारा सोमवारी दुपारी पाण्याखाली गेला आहे. यामुळे या मार्गावरील वाहतूक बंद करण्यात आली आहे. या मार्गावरून पेरणोली, देवकांडगाव कडे जाणारी वाहतूक सोहाळे मार्गे पर्यायी रस्त्यावरून वळवण्यात आली आहे. तालुक्यात पावसाचा जोर कायम असल्याने तालुक्यातील सर्वच पाणी प्रकल्पात समाधानकारक पाणीसाठा झाला आहे.
=====================
No comments:
Post a Comment