वसंतराव देसाई आजरा साखर कारखान्याची 31 डिसेंबर अखेरची ऊस बिले जमा....

आजरा, विकास न्यूज नेटवर्क.....
गवसे (ता. आजरा) येथील वसंतराव देसाई आजरा शेतकरी सहकारी साखर कारखान्याचे चालु सन 2025-26 या हंगामात आजअखेर 86 दिवसात 2 लाख 61 हजार मे. टन ऊसाचे गाळप झाले असुन 3 लाख 5 हजार क्विटल साखरेचे उत्पादन झाले आहे. कारखान्याकडे दि. 16 डिसेंबर 2025 ते 31 डिसेंबर 2025 अखेर गाळप झालेल्या 49 हजार 588.539 मे. टन ऊसाच्या बिलाची प्रतिटन रूपये 3 हजार 400/- प्रमाणे विनाकपात होणारी रू.16 कोटी 86 लाख इतकी रक्कम ऊस पुरवठादार शेतक-यांच्या सेव्हींग खात्यावर जुमा करण्यात आली असलेबाबतची माहिती कारखान्याचे चेअरमन मुकुंदराव देसाई यांनी दिली.

हंगाम 2025-26 मध्ये करखाना व्यवस्थापनाने ठेवलेल्या उददीष्टा प्रमाणे गाळप सुरू असुन सद्या येत असलेल्या ऊसाचे गाळप सुरळीत सुरू आहे. कारखान्याकडे उपलब्ध असलेल्या बीड व स्थानिक तोडणी वाहतुक यंत्रणेमार्फत प्राधान्याने कारखान्याकडे करार झालेल्या कार्यक्षेत्रातील व कार्यक्षेत्राबाहेरील ऊसाची उचल केली जात आहे. कोल्हापूर जिल्हा मध्य. सह. बँकेचे अध्यक्ष मा.ना. हसन मुश्रीफसाहेब, वैद्यकिय शिक्षणमंत्री, महाराष्ट्र राज्य यांचे मार्गदर्शनाखाली जिल्हा बँकेच्या सहकार्याने कारखान्याकडे गाळपास येणा-या संपुर्ण ऊसाची बिले व तोडणी वाहतुकीची बिले नियमितपणे आदा केली जात आहेत. कार्यक्षेत्रातील संपूर्ण ऊस प्राधान्याने गाळपासाठी आणणेचे नियोजन व्यवस्थापनाने केलेले आहे. ज्या भागात यंत्रणा कमी आहे अशा ठिकाणी यंत्रणा उपलब्ध करून शेतक-यांचा ऊस कारखान्याकडे गळीतास आणन्याचे नियोजन केलेले आहे. त्यामुळे कार्यक्षेत्रातील ऊस उत्पादक शेतक-यांनी आपला ऊस अन्य कारखान्यांना न घालता थोडे थांबुन व्यवस्थापनास सहकार्य करावे व आपला संपुर्ण ऊस आपल्याच कारखान्यास गाळपास पाठवावा असे आवाहन कारखान्याचे चेअरमन श्री. मुकुंदराव देसाई यांनी केले.

यावेळी कारखान्याचे व्हा.चेअरमन श्री. सुभाष देसाई कारखान्याचे संचालक श्री. वसंतराव धुरे श्री.विष्णु केसरकर, श्रीउदयसिंह पोवार, जिल्हा बँक प्रतिनिधी श्री. सुधिर देसाई, संचालक श्री. मधुकर देसाई, श्री. मारूती घोरपडे, श्री अनिल फडके, श्री.दिपक देसाई, श्री.रणजित देसाई, श्री. संभाजी पाटील (हात्तीवडे), श्री. शिवाजी नांदवडेकर, श्री. राजेंद्र मुरुकटे, श्री. राजेश जोशीलकर, श्री. गोविंद पाटील, संचालिका सौ. रचना होलम, सौ. मनिषा देसाई, संचालक श्री. काशिनाथ तेली. श्री.संभाजी पाटील. श्री. अशोक तर्डेकर श्री.हरी कांबळे तसेच कारखान्याचे तज्ञ संचालक श्री. नामदेव नार्वेकर, श्री. रशिद पठाण, शासन नियुक्त प्रतिनिधी श्री. दिगंबर देसाई आणि कार्यकारी संचालक श्री.एस. के. सावंत उपस्थित होते.
°°°°°°°°°°°°°°°°°°°°°°°°°°°°°°°°°°°°°°°°°