चंदगड (प्रतिनिधी) :
जिल्हा परिषद बांधकाम विभागा मार्फत चंदगड तालुक्यात पूर्ण केले शासकीय कामाचे वर्क डन सर्टिफिकेट देणेसाठी ९ हजार रुपयांच्या लाचेची मागणी करून ती लाच स्वीकारतांना जिल्हा परिषद बांधकाम उपविभाग चंदगडचे उपअभियंता प्रमोद गोपाळराव कुलकर्णी (वय ५८, रा. नवीन वसाहत, चंदगड, ता. चंदगड, जि. कोल्हापूर, मूळ गाव - कणगला, ता. हुक्केरी, जि. बेळगाव यांना ताब्यात घेण्यात आले आहे. याबाबत २८ वर्षीय युवकाने लाचलुचपत विभागाकडे तक्रार दिली होती. ही कारवाई कोल्हापूर लाचलुचपत विभागाचे पोलीस उपअधीक्षक आदिनाथ बुधवंत, पोहेकॉ मनोज खोत, चापोहेकॉ सुरज अपराध, पोना नवनाथ कदम, पोना विकास माने, पोकॉ मयूर देसाई यांनी केली.
No comments:
Post a Comment