विद्यार्थ्यांच्या सुरक्षेसाठी सिंबायोसिसने घेतली अनोख्या पध्दतीने काळजी

गडहिंग्लज (प्रतिनिधी) :

जगभरात कोरोनाने  थैमान घातले असून दिवसागणिक वाढणारी रुग्णसंख्या पाहता हे संकट लवकर काही संपेल असे वाटत नाही. त्यामुळे आज प्रत्येक क्षेत्रात या कोरोना विरुद्ध लढा देत उभं राहावं लागणार आहे. याचाच एक भाग म्हणजे काही दिवसांनी शाळा सुरू झाल्यानंतर मुलांच्या सुरक्षिततेच प्रश्न ऐरणीवर येणार आहे त्यामुळे उद्याचा हा धोका ओळखून वेळीच खबरदारी घेण्याच्या दृष्टीने गडहिंग्लज तालुक्यातील सिंबायोसिस स्कूल हरळी बुद्रुक या शाळेने एक वेगळा उपक्रम हाती घेत भडगाव, लक्ष्मीनगर, मरगुद्रीवाडी, हसुरवाडी, हसुरसासगिरी हुनगीनहाळ, हरळी बुद्रुक या गावातील प्राथमिक शाळेतील लहान मुलांचे आरोग्य चांगले राहावे व कोरोना पासून सुरक्षित असावेत या उद्देशाने फूटप्रेस सॅनिटायझर स्टँड भेट म्हणून दिले. ही भेट सिंबायोसिस व्यवस्थापन समितीचे सदस्य डॉ. सतीश घाळी यांच्या हस्ते प्राथमिक शाळेचे मुख्याध्यापक व शाळा व्यवस्थापन समितीचे अध्यक्ष यांना देण्यात आली. 

यावेळी उपमुख्याध्यापक संभाजी कार्वेकर यांनी उपस्थितांचे स्वागत करत ही भेट देण्याचा हेतू स्पष्ट केला  तर डॉ. सतीश घाळी बोलताना म्हणाले की सिंबायोसिसने नेहमीच वसुदैव कुटुंबकम हे ब्रीद वाक्य डोळयांसमोर ठेऊन काम केले आहे त्यामुळे समाजातील प्रत्येक घटक हा आपल्या कुटुंबाचा एक सदस्य आहे या भावनेने प्राथमिक शाळेतील लहान मुलांची काळजी घेत त्यांच्याप्रति असणारी आपली संवेदनशीलता दाखवत दिलेली ही भेट खरोखरच कौतुकास्पद असून इतर शाळांसाठी आदर्शवत आहे.  सूत्रसंचालन वहिदा मुल्ला यांनी केले तर आभार मुख्याध्यापक विक्रांत गुरव यांनी मानले. यावेळी अजित बंदी, रोहित यळगुडे, संजय चाळक, युवराज पाटील, गंगाराम कोरे, कल्लोळे सर, पुष्पावती वाघराळकर, संदीप बामणे, मालन पाटील, नंदा तिबिले, रावसाहेब मुरगी, कविता कागीनकर, संतोष आंबी, राजेंद्र शेलार, अतुल अहिरे, अनुपमा देसाई, दिगंबर पाटील, पांडुरंग कांबळे, यल्लपा कोळी, दत्तात्रय गोंधळी, इंद्रजित पाटील आदी उपस्थित होते.

बातमी व जाहिरात क्षेत्रातील विश्वसनीय 

विकास डिजिटल मिडीया 

741068989