आजर्‍याची बाजारपेठ २५ पर्यंत बंद; व्यापारी असोसिएशनचा निर्णय

आजरा (प्रतिनिधी) :

आजरा तालुक्यातील आतापर्यंत ६ कोरोनाबाधित रूग्ण आढळले आहेत. यामुळे आजरा बाजारपेठ मेडिकल सेवा वगळता सोमवार (दि. २५) पर्यंत बंद ठेवण्याचा निर्णय आजरा व्यापारी असोसिएशन यांच्यावतीने घेण्यात आला. याबाबत येथील दुरदुंडेश्वर मठात शहरातील मेडिकल वगळता सर्व व्यापार्‍यांची बैठक झाली. बाहेरून मोठ्या प्रमाणात नागरिक येत आहेत. त्यामुळे गर्दीवर नियंत्रण राखणे अशक्य होत आहे. त्यामुळे स्वत:च्या संरक्षणासाठीच हा निर्णय घेण्यात आल्याचे सांगण्यात आले. शहरातील मेडिकल दुकानेही सकाळी १० ते २ या वेलकेत सुरू राहणार आहेत.