नगरपरिषद, नगरपंचायत सार्वत्रिक निवडणूक-2025 च्या अनुषंगाने जिल्ह्यातील 13 नगरपंचायत/नगरपरिषदेसाठी दिनांक 2 डिसेंबर 2025 रोजी मतदान होत असून दि. 3 डिसेंबर 2025 रोजी मतमोजणी होणार आहे. मतदान व मतमोजणीसाठी यंत्रणा तसेच पोलीस प्रशासन सज्ज आहे. तरी मतदारांनी दिनांक 2 डिसेंबर रोजी आपल्या मतदानाचा हक्क बजावावा, मत आपला अधिकार आहे तशीच आपली जबाबदारी देखील आहे असे आवाहन जिल्हाधिकारी अमोल येडगे यांनी केले आहे.
सार्वत्रिक निवडणूक होत असलेल्या 10 नगरपरिषदा व 3 नगरपंचायतींमध्ये एकूण 2 लाख 55 हजार 775 मतदार असून जिल्ह्यातील एकूण 318 मतदान केंद्रांवर मतदान होणार आहे. सोमवारी दुपारपर्यंत सर्व मतदान केंद्रावर मतदान साहित्य घेऊन कर्मचारी पोहोचले. सर्वच मतदान केंद्रांवर मतदानाची वेळ सकाळी 7.30 वा पासून सायंकाळी 5.30 वाजेपर्यंजत आहे. नगरपरिषद व नगरपंचायतनिहाय मतदान केंद्राची संख्या पुढीलप्रमाणे - गडहिंग्लज नगरपरिषद- 35 हुपरी नगरपरिषद - 27 जयसिंगपूर नगरपरिषद - 54 कागल नगरपरिषद - 33 कुरुंदवाड नगरपरिषद - 28 मलकापूर नगरपरिषद - 10 मुरगूड नगरपरिषद - 12 पन्हाळा नगरपरिषद - 10 शिरोळ नगरपरिषद - 27, वडगाव नगरपरिषद -29 तर आजरा नगरपंचायत - 19 चंदगड नगरपंचायत- 17 व हातकणंगले नगरपंचायत - 17 इतकी आहे. जिल्ह्यात 13 नगरपंचायत/नगरपरिषदेसाठी एकुण 156 प्रभागांमध्ये 318 मतदान केंद्रावर मतदान होत आहे. याकरीता 507 कंट्रोल युनिट, 1014 बॅलेट युनिट प्रत्यक्ष मतदानासाठी वापरले जात आहेत.
नगरपरिषद व नगरपंचायतनिहाय एकूण मतदार व कंसात पुरूष, स्त्री व इतर मतदारसंख्या अनुक्रमे पुढीलप्रमाणे - गडहिंग्लज नगरपरिषद – 30,161 (14752, 15408, 1), हुपरी नगरपरिषद- 24,702 (12230, 12470, 2), जयसिंगपूर नगरपरिषद – 49,747 (24145, 25602, 0), कागल नगरपरिषद – 28,753 (14029, 14723, 1), कुरुंदवाड नगरपरिषद – 22,201 (10626, 11575, 0), मलकापूर नगरपरिषद – 4,934 (2399, 2535, 0), मुरगूड नगरपरिषद – 10128 (4858, 5270, 0), पन्हाळा नगरपरिषद – 3,128 (1538, 1590, 0), शिरोळ नगरपरिषद – 24,539 (12141, 12397, 1), वडगाव नगरपरिषद – 23,044 (11359, 11679, 6), तर आजरा नगरपंचायत – 14,686 (7419, 7267, 0), चंदगड नगरपंचायत- 8,315 (4172, 4143, 0) व हातकणंगले नगरपंचायत – 11,437 (5804, 5632, 1) इतकी आहे.
=========================
No comments:
Post a Comment