संकेश्वर-बांदा महामार्गावर आजरा शहरालगत होत असलेल्या टोल नाक्याला आजरा तालुकावासीयांचा तीव्र विरोध असून याबाबत अनेक आंदोलनेही झाली. जनतेचा विरोध पाहून सर्वच राजकीय पक्षांचे पुढारी या आंदोलनात सहभागी झाले होते. आरोग्यमंत्री ना. प्रकाश आबिटकर यांच्यासह माजी आमदार के. पी. पाटील, ए. वाय. पाटील यांच्यासह या दोन तालुक्यातील अनेक नेते सहभागी झाले होते. यावेळी सर्वच पक्षाच्या नेत्यांनी आंदोलनाला पाठिंबा देत शेवटपर्यंत या लढ्यात राहण्याचे आश्वासन दिले होते.
निवडणुकीनंतर राज्यात महायुती सत्तेवर आल्यानंतर आमदार प्रकाश आबिटकर यांना आरोग्य मंत्री आणि जिल्ह्याचे पालकमंत्री पद मिळाल्याने आंदोलकांच्या अपेक्षा वाढल्या आहेत. त्यामुळे शिष्टमंडळाने ना. आबिटकर यांची भेट घेतली असता या प्रश्नी आपण लक्ष घालत असून आजरेकराना त्रास होणार नाही असा निर्णय करून घेऊ असे आश्वासन त्यांनी दिले. यावेळी कॉ. संपत देसाई, परशुराम बामणे, यशवंत चव्हाण, पांडुरंग सावरतकर, जावेद पठाण, मयुरेश देसाई आदी उपस्थित होते.
=================
No comments:
Post a Comment