राज्यातील पालकमंत्र्यांची यादी जाहीर; जाणून घ्या जिल्हा निहाय नवे पालकमंत्री

मुंबई, वृत्तसंस्था  :

मुख्यमंत्री देवेंद्र फडणवीस सरकारने राज्यातील सर्वच जिल्ह्यांच्या पालकमंत्र्यांची यादी जाहीर केली आहे. या यादीनुसार उपमुख्यमंत्री अजित पवार, उपमुख्यमंत्री एकनाथ शिंदे यांच्याकडे दोन-दोन जिल्ह्यांचे पालकमंत्रिपद सोपवण्यात आले आहे. तर मुख्यमंत्री देवेंद्र फडणवीस हे नक्षलग्रस्त गडचिरोली या जिल्ह्याचे पालकमंत्री असतील. तुमच्या जिल्ह्याचा पालकमंत्री कोण आहे ते जाणून घ्या. 

राज्यातील सर्व जिल्ह्यांच्या पालकमंत्र्यांची संपूर्ण यादी 

1. गडचिरोली - देवेंद्र फडणवीस 

2. ठाणे - एकनाथ शिंदे 

3. मुंबई शहर - एकनाथ शिंदे 

4. पुणे - अजित पवार 

5. बीड - अजित पवार 

6. नागपूर - चंद्रशेखर बावनकुळे 

7. अमरावती - चंद्रशेखर बावनकुळे

8. अहिल्यानगर - राधाकृष्ण विखे पाटील

9. वाशिम - हसन मुश्रीफ

10. सांगली - चंद्रकांत पाटील

11. नाशिक - गिरीश महाजन

12. पालघर - गणेश नाईक

13. जळगाव - गुलाबराव पाटील

14. यवतमाळ - संजय राठोड

15. मुंबई उपनगर - आशिष शेलार  तर सहपालकमंत्री - मंगलप्रभात लोढा 

16. रत्नागिरी - उदय सामंत 

17. धुळे - जयकुमार रावल

18. जालना - पंकजा मुंडे

19. नांदेड - अतुल सावे

20. चंद्रपूर - अशोक उईके 

21.सातारा - शंभूराज देसाई

22. रायगड - आदिती तटकरे

23.लातूर - शिवेंद्रराजे भोसले 

24. नंदूरबार - माणिकराव कोकाटे

25.सोलापूर - जयकुमार गोरे

26. हिंगोली - नरहरी झिरवाळ

27. भंडारा - संजय सावकारे

28. छत्रपती संभाजीनगर - संजय शिरसाट

29. धाराशिव - प्रताप सरनाईक

30. बुलढाणा - मकरंद जाधव

31. सिंधुदुर्ग - नितेश राणे 

32. अकोला - आकाश फुंडकर 

33. गोंदिया - बाबासाहेब पाटील 

34. कोल्हापूर - प्रकाश आबिटकर तर सह पालकमंत्री - माधुरी मिसाळ

35. वर्धा - पंकज भोयर 

36.परभणी - मेघना बोर्डिकर

कुणाला फटका, कुणाची निराशा...

राज्यातील जिल्ह्यांचे पालकमंत्री ठरवताना आपापली राजकीय ताकद कायम राहील याचा महायुतीतील तिन्ही पक्षांनी विचार केला आहे. त्यामुळेच अजित पवार यांच्याकडे दोन जिल्ह्यांचा कारभार सोपवण्यात आला आहे. तर एकनाथ शिंदे यांच्याकडेही दोन जिल्ह्यांचे पालकमंत्रिपद सोपवण्यात आले आहे. पालकमंत्रिपद मिळेल, अशी आस लागलेल्या काही मंत्र्यांची यात निराशाही झाली आहे. यामध्ये मंत्री भरत गोगावले यांचा समावेश आहे. तर संतोष देशमुख हत्या प्रकरणामुळे धनंजय मुंडे यांना फटका बसला आहे. त्यांना बीड जिल्ह्याचे पालकमंत्रिपद देण्यात आलेले नाही. अजित पवार हे आता बीड जिल्ह्याचे पालकमंत्री आहेत. तर भाजपाचे नेते चंद्रशेखर बावनकुळे यांनादेखील दोन जिल्ह्यांचे पालकमंत्री करण्यात आले आहे. 

==============