दि आजरा अर्बन को-ऑप. बँक लि., आजरा (मल्टी-स्टेट) या बँकेच्या चेअरमनपदी अशोक काशिनाथ चराटी व व्हाईस चेअरमनपदी संजय विष्णू चव्हाण यांची एकमताने निवड करुन बँकेच्या संचालक मंडळाने यापुर्वीची बिनविरोध निवडीची परपरा कायम राखलेली आहे. याप्रसंगी निवडणूक निर्णय अधिकारी म्हणून कोल्हापूर जिल्हाधिकारी अमोल येडगे यांनी काम पाहीले. यावेळी सहाय्यक निवडणूक निर्णय अधिकारी म्हणून निवासी उपजिल्हाधिकारी संजय तेली, सहाय्यक निबंधक जिल्हा उपनिबंधक सहकारी संस्था कोल्हापूर सुनील धायगुडे व महसूल सहाय्यक अनिल तांदळे उपस्थित होते.
या प्रसंगी बँकेच्या सन २०२४-२०२६ सालाकरिता रिक्त झालेल्या जागी श्रीमती अन्नपुर्णा काशिनाथ चराटी यांची बिनविरोध निवड झाल्याने त्यांचेही स्वागत व अभिनंदन करणेत आले. चेअरमन पदासाठी अशोक काशिनाथ चराटी यांचे नांव रमेश गुरुलिंगआप्पा कुरुणकर यांनी सुचविले. त्यास सुरेश ईश्वराप्पा डांग यांनी अनुमोदन दिले. व्हा. चेअरमन पदासाठी संजय विष्णू चव्हाण यांचे नांव सुनिल शिवाजीराव मगदूम यांनी सुचविले. त्यास किशोर काशिनाथ भुसारी यांनी अनुमोदन दिले. नुतन चेअरमन, व्हा. चेअरमन यांचा यावेळी सत्कार करण्यात आला.
नुतन चेअरमन अशोक काशिनाथ चराटी यांनी सर्व संचालक मंडळाच्या सहकार्याने अण्णा-भाऊ व त्यांच्या संस्थापक सहकाऱ्याऱ्यांनी आखून दिलेल्या मार्गदर्शक तत्यानुसार पारदर्शक व्यवहार करुन बँकेचा नाव लौकीक वाढविणेसाठी सर्व संचालकांना विश्वासात घेवून काम करणार असलेचे सांगून बँकेच्या प्रगतीच्या दृष्टीने प्रयत्न करणार असून बँकेला शेड्युल दर्जा प्राप्त करून देण्याबद्दल प्रयत्न करणार असल्याचे मनोगत व्यक्त केले. व्हाईस चेअरमन श्री. संजय विष्णू चव्हाण यांनी संचालकांनी सोपविलेली जबाबदारी सर्वाच्या सहकार्याने यशस्वीपणे पार पाडू अशी याप्रसंगी ग्वाही दिली. तसेच माजी चेअरमन रमेश गुरुलिंगआप्पा कुरुणकर व माजी व्हा. चेअरमन सुनिल शिवाजीराव मगदूम यांनी संचालक मंडळाने बँकेची प्रगती करणेसाठी आम्हाला सहकार्य केले त्याबद्दल आभार व्यक्त केले. यावेळी बँकेच्या नूतन संचालिका श्रीमती अन्नपुर्णा चराटी, संचालक सुरेश डांग, विलास नाईक, डॉ. दीपक सातोसकर, डॉ. अनिल देशपांडे, किशोर भुसारी, बसवराज महाळंक, मारुती मोरे, आनंदा फडके, प्रणिता केसरकर, श्रीमती शैला टोपले, अस्मिता सबनिस, सुर्यकांत भोईटे, किरण पाटील व प्रशासन व बोर्ड विभाग मुख्याधिकारी नितीन बेल्लद उपस्थित होते. मुख्य कार्यकारी अधिकारी प्रशांत गंभीर यांनी नुतन चेअरमन, व्हा. चेअरमन यांचे अभिनंदन केले.
No comments:
Post a Comment