गोकुळ दूध संघाच्या वतीने दूध उत्पादन वाढीसाठी व उत्पादकांना प्रोत्साहन देणेसाठी प्रत्येक वर्षी गायी व म्हैशी करीता ‘गोकुळश्री’ स्पर्धा घेणेत येते, सन २०२४-२५ मध्ये घेण्यात आलेल्या स्पर्धेमध्ये एकूण ९३ म्हैस व गाय दूध उत्पादकांनी उत्साहाने भाग घेतल्याने स्पर्धेत चुरस निर्माण झाली होती. सदरची स्पर्धा दिनांक २९/११/२०२४ इ.रोजी घेण्यात आली असून, त्यामध्ये श्री जोतिर्लिंग सह. दूध व्याव. संस्था लिंगनूर क ।। नूल ता. गडहिंग्लज या संस्थेचे म्हैस दूध उत्पादक श्री.शुभम कृष्णा मोरे यांच्या मुऱ्हा जातीच्या म्हैशीने एका दिवसात सकाळ व सांयकाळ पाळीमध्ये एकूण १९ लिटर ७३० मि.ली. इतके दूध देवून प्रथम क्रमांक मिळवला तर गायीमध्ये श्री जनसेवा सह. दूध व्याव. संस्था दुधगंगानगर, कसबा सांगाव ता.कागल या संस्थेचे गाय दूध उत्पादक श्री.संकेत किरण चौगले यांच्या एच.एफ जातीच्या गायीने सकाळ व सांयकाळ पाळीमध्ये एकूण ४२ लिटर ३०५ मि.ली. दूध देवून प्रथम क्रमांक मिळवला.
सन २०२४-२५ मधील म्हैस गटातील विजेते दूध उत्पादक :- संस्थेचे नाव, गाव, तालुका, स्पर्धकाचे नाव, दिवसाचे दूध लि.मिली, जनावर जात : जोतिर्लिंग दूध संस्था, लिंगनूर क || नूल, ता. गडहिंग्लज - शुभम कृष्णा मोरे (१९ लिटर ७३० मि.ली.) मुऱ्हा-प्रथम, महालक्ष्मी दूध संस्था, दुंडगे, ता. गडहिंग्लज - किरण बाबू सावंत (१७ लिटर १८० मि.ली.) जाफराबादी-द्वितीय, लक्ष्मी दुध संस्था, गडहिंग्लज, ता. गडहिंग्लज - वंदना संजय जरळी (१६ लिटर ४८० मी.ली.) जाफराबादी - तृतीय.
आजरा, वृत्तसेवा :
==================
