आजरा, वृत्तसेवा :आजरा येथील शतकोत्तर सुवर्णमहोत्सवाकडे वाटचाल करीत असलेल्या श्रीमंत गंगामाई वाचन मंदिरातर्फे दिनांक २२ ते दिनांक २४ डिसेंबर २०२४ पर्यंत व्याख्यानमालेचे आयोजन करण्यात आले आहे. रविवार दिनांक २२ डिसेंबर रोजी सुप्रसिध्द आयुर्वेद तज्ञ डॉ. सी. बी. देसाई यादगुड (कर्नाटक) यांच्या 'आयुर्वेद : जीवनाची विविध अंगे' या व्याख्यानाने व्याख्यानमालेची सुरवात होणार आहे. सोमवार दिनांक २३ डिसेंबर रोजी प्रसिध्द मानसतज्ञ श्री कपिल लळीत सांगली यांचे 'आमच्या वेळी असं व्हवतं अर्थात जनरेशन गॅप' या विषयावर व्याख्यान तर मंगळवार दिनांक २४ डिसेंबर रोजी इतिहास अभ्यासक - श्री राम यादव कोल्हापूर यांचे 'छत्रपती शिवरायांची युध्दनिती' या विषयावर व्याख्यान होणार आहे. बुधवार दिनांक २५ डिसेंबर रोजी ग्रंथालयातर्फे देण्यात येणाऱ्या राज्यस्तरीय साहित्य पुरस्कार व अन्य पुरस्कारांचे वितरण होणार आहे. या कार्यक्रमासाठी साहित्य अकादमी पुरस्कार प्राप्त साहित्यिक कृष्णात खोत पन्हाळा हे प्रमुख पाहुणे म्हणून उपस्थीत राहणार आहेत. सर्व कार्यक्रम 'मृत्युंजय 'कार शिवाजीराव सावंत स्मृतीदालन, जूनी पोष्ट गल्ली आजरा येथे दररोज सायंकाळी ५.३० वाजता होणार आहेत. या व्याख्यानमालेचा व पुरस्कार वितरण सोहळयाचा रसिक श्रोत्यांनी लाभ घ्यावा असे आवाहन वाचन मंदिराचे अध्यक्ष वामन सामंत, उपाध्यक्षा विद्या हरेर, कार्यवाह कुंडलिक नावलकर व सहकार्यवाह रवींद्र हुक्केरी यांनी केले आहे.
==================
No comments:
Post a Comment