शेणगांवच्या स्वराज्य संस्थेला भारत सरकारच्या युवक कल्याण व क्रीडा मंत्रालयाचा जिल्हा युवा संस्था पुरस्कार प्रदान

गारगोटी (प्रतिनिधी) :

भारत सरकारच्या युवक कल्याण आणि क्रीडा मंत्रालयच्या नेहरू युवा केंद्र, कोल्हापूर यांच्यामार्फत दिला जाणारा 2019-20 सालचा जिल्हा युवा संस्था पुरस्कार भुदरगड तालुक्यातील शेणगावच्या स्वराज्य कल्याण सेवाभावी संस्थेला पुरस्कार प्रदान करण्यात आला.

 

स्वराज्य संस्थेने आपला देश विकसित करणे, आपले गाव विकसित करणे, आपला सामाजिक विकास करणे हे काम केले आहे.  स्वराज्य संस्थेने गेली सहा वर्षांमध्ये महाराष्ट्र आणि कोल्हापूर जिल्ह्यात नाविन्यपूर्ण आणि उल्लेखनीय सामाजिक काम केले आहे. तसेच धर्मनिरपेक्षता, शिस्त, प्रामाणिकपणा आणि कठोर परिश्रम यामाध्यमातून एक उत्तम सेवाभावी कार्य  केले आहे. या महान सामाजिक सेवा कार्यात भाग घेतल्याबद्दल स्वराज्य कल्याण सेवाभावी संस्था, शेणगावला जिल्हा युवा संस्था पुरस्काराने नेहरू युवा केंद्राच्या कोल्हापूर जिल्हा युवा समन्वयक पूजा सैनी यांच्या हस्ते सन्मानचिन्ह, प्रमाणपत्र,व 25 हजार रुपयांचा धनादेशद्वारे गौरविण्यात आले. यावेळी  संस्थेचे संस्थापक अध्यक्ष युवराज येडूरे, युवा केंद्रांचे लेखाधिकारी भानुदास यादव, अनंत कुलकर्णी, युवा केंद्रांचे स्वयंसेवक निलेश कांबळे, स्वराज्य संस्थेचे संचालक मंडळ उपस्थित होते.