गांजासदृश्य पदार्थाच्या सेवन प्रकरणी दोघांवर गुन्हा

आजरा, विकास न्यूजसेवा :

सोहाळे (ता. आजरा) येथील श्रेयस सूर्यकांत दोरूगडे (वय 19), कुलदीप मारुती कोंडूसकर (वय 22) या दोघांवर गांजासदृश्य अंमली पदार्थाच्या सेवन प्रकरणी आजरा पोलिसांत गुन्हा दाखल करण्यात आला.

याबाबत पोलिसांतून मिळालेली माहिती अशी, दोरूगडे व कोंडूसकर हे दोघे सोहाळे गावच्या स्मशानभूमीच्या पाठीमागील बाजूस नदीच्या काठावर उघड्यावर सिगरेटमध्ये गांजा सदृश्य अंमली पदार्थ भरून सेवन करताना आढळून आले. त्यामुळे या दोघांवर आजरा पोलिसात गुन्हा नोंद करण्यात आला आहे. गांजासदृश्य पदार्थाच्या सेवन प्रकरणी गुन्हा नोंद करण्यात आला असून गांजा पुरवठा करणाऱ्याचा शोध सुरू असल्याची माहिती पोलिसातून देण्यात आली आहे.
==============