निश्चयी अन् करारी नेतृत्व : अशोकआण्णा चराटी (वाढदिवस विशेष); गुरुवारी कार्यकर्त्यांचा मेळावा

निश्चयी अन् करारी नेतृत्व : अशोकआण्णा चराटी (वाढदिवस विशेष); गुरुवारी कार्यकर्त्यांचा मेळावा 

एखाद्या गोष्टीच्या पूर्ततेसाठी अढळ निश्चयाने काम करणारे तसेच करारी बाणा ठेऊन आजरा तालुक्याच्या विकासासाठी झटणारे, आजरा येथील आण्णा भाऊ संस्था समूहाचे प्रमुख अशोकआण्णा चराटी यांचा 14 नोव्हेंबर रोजी वाढदिवस. त्यानिमित्ताने त्यांच्या कार्याचा घेतलेला आढावा.....

---- विकास सुतार, आजरा.

अतिशय संघर्षमय परिस्थितीत अशोक चराटी यांचे नेतृत्व पुढे आले. आजरा येथील आण्णा भाऊ संस्था समूहाचे सुत्रे हाती घेतली, त्यावेळी संस्था समूहात एक पोकळी निर्माण झाली होती. ती पोकळी भरुन काढत, नव्या-जुन्या सहकार्‍यांच्या समन्वयातून चराटी यांनी संस्था समूहाचा विस्तार केला. आज जिल्ह्यातील एक आदर्श सहकारी संस्था समूह म्हणून हा संस्था समूह कार्यरत आहे. आजरा अर्बन बँक, जनता शिक्षण संस्था, आण्णा भाऊ आजरा सूतगिरणीसह इतर अनेक संस्था चराटी यांच्या नेतृत्वखाली आपल्या लौकीकाप्रमाणे कार्यरत आहेत. या संस्थांच्या विकासासाठी आण्णा नेहमीच झपाटून काम करतात. कोल्हापूर जिल्हा मध्यवर्ती बँकेचे संचालक, आजरा साखर कारखाना अध्यक्ष म्हणून देखील त्यांनी काम केले आहे. आजरा नगरपंचायत होण्यासाठी आण्णा ज्याप्रमाणे झटले तसेच सध्या आजरा शहराच्या विकासासाठी ते नेहमीच प्रयत्नशील असतात. नवनिर्मीत नगरपंचायत असल्याने विकासनिधीसाठी ते नेहमीच आग्रही असतात.आजरा तालुक्याला आमदार नसल्याने तालुक्याच्या विकासाला निधी मिळावा या करता आण्णा जिल्ह्यातील नेत्यांशी करारी पद्धतीने वागत आपला बाणा दाखवून निधी खेचून आणतात. आजरा तालुक्यातील सर्वसामान्य जनतेचा विकास हाच भाव त्यांच्या मनात नेहमीच असतो. अशा निश्चयी अन् करारी नेतृत्वाला दिर्घायुष्य लाभो हिच सदिच्छा....!!

अशोक अण्णा चराटी  यांच्या वाढदिवसानिमित्त गुरुवारी कार्यकर्त्यांचा मेळावा 

 आजरा येथील अण्णाभाऊ संस्था समूहाचे प्रमुख अशोक अण्णा चराटी यांच्या वाढदिवसानिमित्त संस्था समूहाच्या वतीने गुरुवार (दि. 14 नोव्हेंबर) रोजी सकाळी अकरा वाजता आजरा येथील अण्णाभाऊ सांस्कृतिक सभागृहात कार्यकर्त्यांचा मेळावा आयोजित करण्यात आला आहे. यावेळी राधानगरी भुदरगड आजराचे आमदार प्रकाश आबिटकर, गोकुळ दूध संघाचे अध्यक्ष अरुण डोंगळे व संस्था समूहातील विविध संस्थांचे पदाधिकारी उपस्थित राहणार आहेत. या मेळाव्याला उपस्थित राहण्याचे आवाहन अण्णाभाऊ संस्था समूह आजरा यांच्या वतीने करण्यात आले आहे.

========================

बातमी व जाहिरात क्षेत्रातील विश्वसनीय 

विकास न्यूज 

सत्याचे प्रतिबिंब...

(संपर्क : 7410168989)

==========================