सोमवार पासून दोन दिवस आजरा तालुक्यात संविधान बचाव दिंडी; आजरा येथे सतेज पाटील यांच्या उपस्थितीत जाहीर सभा

सोमवार पासून दोन दिवस आजरा तालुक्यात संविधान बचाव दिंडी; आजरा येथे सतेज पाटील यांच्या उपस्थितीत जाहीर सभा

आजरा वृत्तसेवा :

देशाचे संविधान आज अडचणीत आले असून ते वाचवले तर भविष्यात नागरिक म्हणून आपले हक्क अबाधित राहतील. यासाठी आजरा तालुक्यात निघणारी संविधान दिंडी मोठ्या प्रमाणात यशस्वी करण्याचा निर्धार आजरा येथे झालेल्या बैठकीत करण्यात आला. बैठकीच्या अध्यक्षस्थानी मुकुंददादा देसाई होते. 

सुरवातीला कॉ. संपत देसाई यांनी संविधान दिंडी मागील भूमिका सांगून गडहिंग्लज व चंदगड येथील रॅलीचा आढावा घेतला. गडहिंग्लज तालुक्यातील नूल येथून सुरू झालेली संविधान बचाव दिंडी चंदगड तालुक्यातून आता आजरा तालुक्यात येणार आहे. सरोळी येथून सोमवारी सकाळी ही दिंडी निघून ती निंगुडगे, कोवाडे, पेद्रेवाडी, हजगोळी १ व २ येथून आजरा येथे सायंकाळी ४ वाजता येईल. त्यानंतर सतेज उर्फ बंटी पाटील यांचे अध्यक्षतेखाली सभा होईल. त्यानंतर दुसऱ्या दिवशी म्हणजे मंगळवारी सकाळी ९ वाजता संविधान दिंडी महागोंड येथून निघून वझरे, पेरणोली, हरपवडे, कोरीवडे, देवकांडगाव, दाभिल, शेळप येथून गवसे येथे येईल. तेथे आल्यानंतर सभा घेऊन या दिंडीची सांगता होईल. यावेळी उमेश आपटे, संभाजी पाटील, उदय पवार, नौशाद बुडडेखान, रशीद पठाण, संजय तरडेकर, युवराज पोवार, संजय सावंत,, राजू होलम, रणजित देसाई, उदय कोडक, किरण पाटील, जोतिबा चाळके, रवी भाटले, ओंकार माध्यळकर, दशरथ घुरे, समीर चांद, संकेत सावंत यांच्यासह इंडिया आघाडीचे अनेक कार्यकर्ते उपस्थित होते.

================