आजरा तालुक्यात आणखी पाच कोरोनाबाधित; तीन तलाठ्यांचा समावेश

आजरा (प्रतिनिधी) :

आजरा तालुक्यातील सोमवारी सायंकाळी ५ वाजेपर्यंत आणखी पाचजणांचे कोरोनाचे अहवाल पॉझिटिव्ह आले आहेत. यामध्ये ३ तलाठ्यांचा समावेश आहे. गजरगाव, धामणे, भादवणचे तलाठी यांचे अहवाल पॉझिटिव्ह आले आहेत. त्याचबरोबर हाळोलीच्या पॉझिटिव्ह असलेल्या कोतवालच्या बहिणीचा अहवाल देखील पाॅझीटीव्ह आला आहे. तसेच सुळे येथील ५४ वर्षीय महिला पाॅझीटीव्ह आहे.

आजरा शहरातील एकाच कुटूंबातील ४ जणांचा कोरोनाने मृत्यू झाले आहे. आमराई गल्लीतील प्रतिष्ठीत व्यक्तीच्या मृत्यूपाठोपाठ त्यांचा बेळगाव येथील जावई, मेव्हणा व रविवारी रात्री बहिणीचा उपचार सुरु असतानाच मृत्यू झाला आहे. यामुळे हळहळ व्यक्त होत आहे.