आजरा तालुकावासियांच्या चिंतेत वाढ; पुन्हा पाच कोरोनाबाधित

आजरा (प्रतिनिधी) :

पुन्हा एकदा आजरा तालुकावासियांच्या चिंता वाढत आहेत. सोमवारी सायकांळच्या अहवालात तालुक्यातील पाच जणांचे कोरोनाचे अहवाल पॉझिटिव्ह आले आहेत. यामुळे तालुक्यात खळबळ माजली आहे. यामुळे तालुक्यातील कोरोनाबाधितांची संख्या ९२ वर पोचली आहे. सोमवारी कोरोनाचा अहवाल पॉझिटिव्ह आलेल्यांमध्ये २५ व २३ वर्षीय महिला तर ८५ वर्षाच्या वृध्दासह २६ व २१ वर्षाच्या पुरूषाचा समावेश आहे. यात भादवणमधील दोन तर भादवणवाडीतील तिघांचा समावेश आहे. सोमवारी गडहिंग्लज तालुक्यात दोन रुग्ण सापडले. हे रुग्ण हेब्बाळ जळद्याळ व कुमरी येथील आहेत. सायंकाळी जिल्ह्यात एकूण ११ रुग्ण सापडले.